限量簽名會好熱鬧  孫玥宣傳fans窩心

jaseiya

[香 港 東 方 日 報]  29/06/2008

中 國 女 排 狀 態 神 勇 ， fans 睇 得 興 奮 ， 大 勝 日 本 隊 後 ， 賽 會 安 排 中 國 全 體 隊 員 在 紅 館 門 外 舉 行 簽 名 會 ， 只 限 200 名 球 迷 ， 而 且 係 以 派 籌 形 式 ， 香 港 人 無 論 睇 症 買 樓 買 波 飛 都 係 派 籌 ， 已 經 習 慣 晒 ， 雖 然 簽 名 會 要 冒 雨 進 行 ， 但 總 算 秩 序 良 好 ， 攞 唔 到 籌 嘅 球 迷 ， 企 晒 係 鐵 馬 外 離 遠 望 住 班 球 星 望 梅 止 渴 ， 場 面 相 當 熱 鬧 。





孫玥宣傳fans窩心

前 中 國 女 排 主 將 「 甜 姐 兒 」 孫 玥 嫁 嚟 香 港 之 後 ， 做 埋 今 次 賽 事 嘅 生 招 牌 ， 擔 任 女 排 大 使 ， 負 責 幫 賽 會 搞 氣 氛 ， 每 逢 比 賽 暫 停 期 間 ， 賽 會 攝 影 機 就 會 影 住 看 台 ， 由 孫 玥 選 出 打 氣 表 現 得 最 激 烈 嘅 球 迷 ， 然 後 送 上 佢 嘅 簽 名 排 球 或 Ｔ 恤 ， 搞 到 現 場 fans 好 鬼 high ， 猛 咁 同 孫 玥 揮 手 博 攞 獎 品 。


姑娘血拼 妙方減壓

中 國 女 排 訪 港 後 一 直 忙 於 操 練 、 應 酬 同 比 賽 ， 但 原 來 主 教 練 陳 忠 和 都 好 識 做 ， 早 前 特 准 球 員 Shopping 三 個 鐘 ， 等 佢 地 可 以 減 吓 壓 。 姑 娘 們 亦 好 識 得 把 握 機 會 ， 喺 尖 沙 咀 嘅 商 場 「 大 血 拼 」 ， 狂 掃 鑽 石 、 名 牌 手 袋 同 名 錶 ， 滿 載 而 歸 。 聽 講 「 有 備 而 戰 」 嘅 隊 員 ， 更 怕 信 用 卡 唔 夠 用 ， 索 性 帶 埋 一 大 疊 現 金 去 掃 貨 ， 出 手 仲 十 分 豪 爽 添 ！


餘興節目包羅萬有

今 時 今 日 搞 體 育 比 賽 ， 淨 係 比 賽 已 經 唔 夠 ， 其 他 餘 興 節 目 都 好 重 要 ， 賽 會 同 多 間 學 校 合 作 ， 為 四 支 球 隊 組 織 啦 啦 隊 ， 仲 舉 辦 啦 啦 隊 比 賽 ， 又 搵 樂 隊 組 合 現 場 打 band ， 健 身 中 心 派 出 健 身 教 練 跳 健 康 舞 ， 連 跳 繩 表 演 都 有 ， 總 之 保 證 比 賽 期 間 絕 無 悶 場 ， 咁 多 嘢 睇 ， 唔 怪 得 一 連 三 日 比 賽 門 券 一 早 賣 晒 ， 日 日 爆 棚 啦 ！